Stizza 

Si tu fussi stizza di lacrima, 

l’arsura di lu me cori vivissi 

linfa ca vagna e ca duna vita. 

Si tu fussi stizza di mari, dassi 

sapuri a la me nuda peddi e mi 

stracanciassi nta ‘n spicchiu di unna. 

Si tu fussi stizza di sangu, di rubinu culuri, 

ju fussi focu ardenti, lava cucènti, 

cori ca batti e ca non menti. 

Ma tu non si'…

Non si' stizza, lacrima, mari, sangu,

sulu jelida apparenzia; trapuleri sibillinu 

misteru senza passioni; sdilliriusu disìu 

ca ti cridi fimmina supra a lu me aurusu 

rifugiu d'amuri.

(Alessio Patti)

Goccia 

Se tu fossi goccia di lacrima, 

l'arsura del mio cuore berrebbe 

linfa che bagna e che dà vita. 

Se tu fossi goccia di mare, daresti 

sapore alla mia pelle nuda e mi 

trasformeresti in uno spicchio d’onda. 

Se tu fossi goccia di sangue, di rubino colore, 

sarei fuoco ardente, lava cocente, 

cuore che batte e che non mente. 

Ma tu non sei... 

Non sei goccia, lacrima, mare, sangue, 

solo fredda apparenza; ingannevole arcano 

mistero senza passione; vaneggiante desiderio 

che ti credi donna sul mio bel 

talamo.

(Alessio Patti)