Na vita a culuri
Si c'è risurrezioni,
a lu pàlpitu di lu cori
alburi e sfumatura vèninu
ad allicchittìari la vita a culuri.
Mai chiù cruci ed eterni supplizi,
ma Diu ca spargi pruvuligghia d'amuri
mentri curri, abballa e joca tra l'omini.
Si s'abbrivìsci lu preju,
chi sia d'arcobalenu eternu,
di pinnillati mpruvulazzati di terra,
di firmamentu e abissi,
di suli e lustru di stiddi,
di culuri d'erva e di russu papalinu,
e addicura di prùvula di vita li culuri di Diu.
Si vita abbrivisci… chi sia acculurata!
(Alessio Patti – Catania, 29 aprile 2011)
Una vita a colori
Se c’è resurrezione,
al palpito del cuore
giungano albore e sfumatura
a vestire la vita a colori.
Mai più croci ed eterni supplizi,
ma il Signore che sparge polvere d'amore
mentre corre, balla e gioca tra gli uomini.
Se la gioia rivive
che sia d’arcobaleno eterno,
di sfumature terrose,
di firmamento e abissi,
di sole e albore di stelle,
di color erba e di rosso papavero,
e decori di polvere di vita i colori di Dio.
Se vita risorge… che sia in tinte!
(Alessio Patti – Catania, 29 aprile 2011)
Nessun commento:
Posta un commento