Lu rijalu di na stidda
La baraunna m'è attagghiu
non cummogghia lu scrusciu crudeli
di la me solitudini.
Cercu 'n locu, qualchidunu,
qualchicosa ca mi tocca lu cori.
Nuddu m'ascuta, sugnu sulu!
Na vanchitedda accogghi la me vicchiània
e supra d'idda gnutticu lu me corpu fraccu,
ncudduriu la me arma e li silenzi di na vita.
Mentru succedi tuttu chissu, sugnu sulu!
Na vampa spirituali m'attruzza la spadda
e m'arritrovu a scurriri annaretu,
a turnari jarzuneddu cu la me cumeta.
E poi, chiù avanti, nta la stissa vanchitedda,
abbrazzatu a l'amuri, arritrovu li paroli
di la me puisa e lu battitu di lu cori.
Qualchidunu m'attruzza nta la spadda,
mi tuculìa! Oramai sugnu friddu, sugnu sulu!
Mi cèrnunu la manu, a sta vota china,
pirchì porta cu idda lu rijalu di na stidda.
(Alessio Patti – Catania, 5 aprile 2011)
Il dono di una stella
Il caos attorno a me
non copre il suono crudele
della mia solitudine.
Cerco un luogo, qualcuno,
qualcosa che mi lambisca il cuore.
Nessuno mi ode, son solo!
Una panchina accoglie le mie canizie
e su di essa ripiego il mio corpo stanco,
raggomitolo la mia anima e i silenzi di una vita.
Mentre tutto accade, son solo!
Una vampa spirituale mi sfiora la spalla
e mi ritrovo a scorrere indietro,
a tornare bambino con il mio aquilone.
E poi, più avanti, sulla stessa panchina,
abbracciato all’amore, ritrovo le parole
della mia poesia ed il battito del cuore.
Qualcuno mi sfiora la spalla, mi scuote!
Ormai son freddo, son solo!
Mi frugano la mano, questa volta straripante,
perché porta con sé il dono di una stella.
(Alessio Patti – Catania, 5 aprile 2011)
Nessun commento:
Posta un commento