La me vo vò
Dormi figghiu miu, fai la vo vò!
E si tu non voi durmiri
nuddu babbau ti veni a ràpiri.
Cu vrazza forti t'annaculìu
[mentri sugnu malutu di fracchizza]
e d'ogni piriculu t'addifennu
[mentri haiu spagnu e sugnu sulu].
Ogni attimu ti vigghiu
[mentri aspettu ancora la me naca]
e mai mi fazzu pigghiari di lu sonnu
quannu appigghi a la biddizza,
quannu attracchi a l'isula to
[mentri la me navi affunna].
Di lu misteriu, unni vaiu,
[mentri di ciatu la morti mi ntruscia]
senza tempu aspettu la me vo vò!
(Alessio Patti)
La mia nenia
Dormi figlio mio, sogna.
E se non vuoi dormire,
nessun babau ti verrà a rapire.
Ti cullo con forti braccia
[mentre sono ammalato di debolezza]
e da ogni pericolo ti preservo
[mentre ho paura e sono solo].
Ogni attimo ti veglio
[mentre aspetto ancora la mia culla]
e il sonno mai mi coglierà
quando alla bellezza germoglierai,
quando alla tua isola approderai
[mentre la mia nave va a fondo].
Dal mistero, ovunque andrò,
[mentre d’alito la morte m’avvolge]
attenderò senza tempo la mia nenia.
(Alessio Patti)
Nessun commento:
Posta un commento