Lu beddu corpo to
Lu beddu corpu to
è aurusu meli ca m’attrai
comu l’apuzzi quannu
su attirati di li ciuri, ma è
puru ’n fruttu gerbu, tuttu
di svilari, ca mustra labbra
rosa ca sannu già di celu;
è na valli culurata
ca spampina minnuzzi
udurusi di cannedda,
nettiri di dei,
n’armunia duci duci
ca si lassa assapurari.
Lu beddu corpu to
è na magarìa capricciusa:
nciamma li me’ vini
comu ’n suli càudu
e mi fa sèntiri ’n guelfu
ca cummatti ciatu a ciatu
contru a la so ghibillina
finu a lu scurari.
(Alessio Patti)
Il tuo bel corpo
Il tuo bel corpo
è soffice miele che m'avvince
come le api quando
sono sedotte dai fiori, ma è
anche un frutto acerbo, tutto
da svelare, che mostra labbra
rosa che sanno già di cielo;
è una laguna dipinta
che sboccia seni
odorosi di cannella,
infuso degli dei,
zuccherina armonia
che si lascia assaporare.
Il tuo bel corpo
è un capriccioso sortilegio:
accende le mie vene
come un sole rovente
e mi fa sentire un guelfo
che confligge fiato a fiato
contro la sua ghibellina
fino a tarda notte.
(Alessio Patti)
Nessun commento:
Posta un commento