Milli manu
Ti cugghii e ti scippai di milli manu
ca vulevanu suttraìriti di ‘n castu jocu d'Amuri.
Ti libirai ‘n tempu, o me musa, di lu grigiu
fumu di l’odiu e di nfernu e focu di dannati.
Tra li me’ vrazza, è pi sempri lu to riparu;
ni lu me jardinu, lu tàlamu prufumatu unni ti poi arrisittàri.
Ddà, pi tia, chiantai na rosa janca,
pi fari arripusari la to arma; costruii na filanna
pi nutricàri li to' capiddi di sita; lassai vèniri
na fàuna pirchì ti sintissi nta ‘n Eden.
Ni ogni ciacca misi na luci, pirchì tu non fussi
mai a lu scuru. Ogni fruttu diliziusu chiantai,
pirchì ti diliziassi. Acqua frisca tirai di ‘n puzzu
pirchì, vagnannuti, tu pozza viviri di sustanza di vita.
O me diletta carusa, milli manu niri pigghiaru pinnu
p’affirrariti e pi suttraìriti a lu nostru puru jocu d'Amuri.
(Alessio Patti)
Mille mani
Ti raccolsi e strappai via da mille mani
che volevano sottrarti da un puro gioco d’Amore.
Ti liberai in tempo, o mia musa, dal grigio
fumo dell’odio e da inferno e fuoco di dannati.
Tra le mie braccia, sarà per sempre il tuo rifugio;
nel mio giardino, il talamo profumato dove riposerai.
Lì, per te, ho piantato una rosa bianca,
per far ritemprare la tua anima; ho costruito una filanda
per nutrire i tuoi capelli di seta; ho lasciato giungere
una fauna perché ti sentissi in un Eden.
In ogni fenditura ho collocato una luce, perché tu non fossi
mai nell’oscurità. Ho piantato ogni dolcissimo frutto,
perché ti deliziassi. Ho tratto acqua fresca da un pozzo
affinché tu, bagnandoti, possa vivere di sostanza di vita.
O mia diletta fanciulla, mille mani oscure si sono animate
per afferrarti e per sottrarti al nostro puro gioco d’Amore.
(Alessio Patti)
Nessun commento:
Posta un commento