Di unni junci la me puisia
La me puisia nasci ntrasatta.
Scagghi di mimoria vènunu svurricati
di la prufunnità di l’arma
e, nonostanti dintra di mia tuttu è ntricatu,
raji di luci nèsciunu di ogni ciacca di la ntimità
p’ammavarari l’opira mia.
Ju li cogghiu unu a unu cu dilicatizza,
lassannu chi sia la manu di Diu
a dari luci a lu me scuru
e a fari crisciri sintimenti e virità.
Puru si lu fogghiu è pigghiatu di vicchiània
e li versi di sdilliriu,
nsèmmula fannu fàiddi
p’ansina ca l’opira mia non è sgravata.
Doppu st’attimi d’eternità,
l’arma si richiudi,
lu sbrillìu si ritira nta la ciacca
e la mimoria s’allattuma finu a scumpariri.
(Alessio Patti)
Da dove giunge la mia poesia
La mia poesia nasce all’improvviso.
Schegge di reminiscenza vengono esumate
dalla profondità dell’anima
e, nonostante dentro di me tutto è scuro,
raggi di luce si distaccano da ogni squarcio dell’io
per incantare la mia opera.
Io li colgo uno ad uno con delicatezza,
lasciando che sia la mano di Dio
a dar barlume al mio buio
e a far crescere sentimenti e verità.
Anche se il foglio è preso da canizie
e i versi da delirio,
insieme fanno faville
fino a che la mia opera non è liberata.
Dopo questi attimi d’eternità,
l’anima si richiude,
lo scintillio si ritrae nelle crepe
e la memoria si spegne fino a scomparire.
(Alessio Patti)
Nessun commento:
Posta un commento