O bedda, tu renni schiavi l'omini!

O bedda, tu renni schiavi l'omini!

Ahimia! Quali afflizioni mi pigghia!

A la me vardata è ammucciata la so facci. 

Si la putissi vardari fussi culpitu a morti,

firutu di lu spirluciari di l'occhi so'

e pugnalatu di li so' aurusi labbra.

Lu so ciatu mi facissi prigiuneru;

li so' manu, si sulu mi tuccassiru,

scicassiru li sensi di lu me cori.

La vardu e mi fa pèrdiri comu annavaratu

orvu avanti a 'n istanti di luci.

Si' bedda! Daccussì duci e attraenti

ca mi fai sdilliriari. Si' stata furgiata 

ammagatura, piacèvuli e buttuni di rosa; 

di prufumu attizzanti, li ciuri di campu 

hannu nzuppatu la to peddi, e cu' ha 

mudillatu 'n pettu comu a chiddu to,

aveva lu zùccaru nta lu cori.

O bedda, tu renni schiavi l'omini!

(Alessio Patti - Catania, 20 aprile 2012)

O bella, tu rendi schiavi gli uomini!

Ahimè! Quale angoscia mi prende!

Al mio sguardo è occultato il suo volto.

Sarei colpito a morte se potessi vederlo,

ferito dallo scintillio dei suoi occhi

e pugnalato dalle sue bellissime labbra.

Il suo fiato mi farebbe prigioniero;

le sue mani, se solo mi toccassero,

strapperebbero i sensi del mio cuore. 

La miro e mi fa smarrire come disorientato 

cieco innanzi a un istante di luce.

Sei bella! Così soave e seducente che 

mi fai delirare. Sei stata forgiata 

ammaliante, amabile e dilettevole; 

di profumo inebriante, i fiori di campo 

hanno intinto la tua pelle, e chi ha 

modellato un seno come il tuo,

aveva lo zucchero nel cuore.

O bella, tu rendi schiavi gli uomini! 

(Alessio Patti - Catania, 20 aprile 2012)

Link Video "O bedda, tu renni schiavi l'omini!" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Chi fimmina ca si'

Chi fimmina ca si' 

Chi fimmina ca si', 

d’aranciu 'n sciuri, luna lucenti 

e raju di diamanti, biddizza 

c’annorva la vardata d'ogni amanti, 

di cu', smaniusu, disìa l’amuri. 

Si' ardenti comu 'n focu spirlucenti, 

luntana e vicina, nta ogni gnuni, 

mi fai ardiri comu nciammatu carvuni, 

e la to vuccuzza, duci duci, non menti, 

quannu chiama d’istintu lu me corpu, 

l’occhi me’ e li me’ carizzi, pi passari 

nta li vini tutti rizzi nu vilenu fatali, 

comu na currìa ca stringi lu me pettu 

e non mi duna paci e né rizzettu. 

E si non fussi ca ti portu gran rispettu… 

ora stissu ti mittissi dintra a lu me lettu.

(Alessio Patti - Catania, 18 febbraio 1977) 

Che femmina che sei 

Che femmina che sei, 

d'arancio un fiore, luna lucente 

e folgore di diamante; bellezza 

che acceca lo sguardo d'ogni amante, 

di chi, inquieto, brama l'amore. 

Sei cocente come fuoco sfolgorante, 

lontana e vicina, in ogni luogo, 

mi fai bruciare come arroventato carbone, 

e le tue dolci labbra non ingannano, 

quando d'impulso esigono il mio corpo, 

i miei occhi, le mie carezze, per passare 

nelle vene tutte ricce un veleno fatale, 

come una cinta che stringe il mio petto 

e non mi da pace e non mi calma. 

E se non fosse perché ti porto gran rispetto… 

t'inviterei, ora stesso, a venir dentro il mio letto. 

(Alessio Patti - Catania, 18 febbraio 1977)

Stizza

Stizza 

Si' tu fussi stizza di lacrima 

l'arsura di lu me cori vivissi 

linfa ca vagna e ca duna vita. 

Si' tu fussi stizza di mari 

dassi sapuri a la me nuda peddi 

e mi stracanciassi nta ’n spicchiu di unna. 

Si' tu fussi stizza di sangu 

di rubinu culuri, ju fussi 

focu ardenti, lava cucenti, 

cori ca batti e ca non menti. 

Ma tu non sì... non sì stizza, 

lacrima, mari, sangu, 

sulu jelida apparenzia, 

trapùleri sibillinu misteriu 

senza passioni, sdilliriusu disìu 

ca ti cridi fimmina sùpira 

a lu me aurusu rifugiu d'amuri. 

(Alessio Patti - Catania, 27 giugno 2001)

Goccia 

Se tu fossi goccia di lacrima 

l'arsura del mio cuore berrebbe 

linfa che bagna e che dà vita. 

Se tu fossi goccia di mare 

daresti sapore alla mia pelle nuda 

e mi trasformerei in parte d’onda. 

Se tu fossi goccia di sangue 

di rubino colore, sarei 

fuoco vulcanico, lava ardente, 

cuore che batte e che non mente. 

Ma tu non sei... non sei goccia, 

lacrima, mare, sangue, 

solo fredda apparenza, 

ingannevole arcano mistero 

senza passione, vaneggiante desiderio 

che ti credi donna sul mio bel talamo. 

(Alessio Patti - Catania, 27 giugno 2001)

Passioni mia

(cantu ardimintusu)

È un sonnu 

lu to corpu càudu comu lu suli,

beddu comu marmuru,

supra a cui, ju sculturi, travagghiassi 

appuggiannuci li manu;

lu vasassi, l'ammagarassi,

lu to corpu daccussì ben fattu,

comu fruttu gerbu,

ca vulissi gustari senza pintimentu,

ca vasassi a longu

cu granni sintimentu.

Daccussì ancora dintra di tia,

gustannu l'armunia,

lu to sapuri, ca junci finu a lu cori,

senza nuddu pudori, chiddu 'n funnu,

nta lu niru to nfinitu, nta lu chiaru to prufunnu,

attruzzannu li to' furmi, sodi e rutunni, 

ca prufumunu di pani, chi sanno puru di mari,

di frutta cannita e ddà ci pirdissi la vita.

A tia mi dassi passioni mia, senza esitazioni,

pi viviriti dintra ntrusciatu d'emozioni,

di suli sensazioni, e diriti finalmenti

ca d'ogni àutra cosa 

non mi mporta propriu nenti.

(Alessio Patti)

Passioni mia

(canto ardimentoso)

È un sogno

il tuo corpo caldo come il sole,

bello come marmo,

sul quale, io scultore, lavorerei 

poggiandoci le mani;

lo bacerei, lo sedurrei,

il tuo corpo così ben fatto,

come frutto acerbo,

che vorrei gustare, senza pentimento,

che bacerei a lungo, con grande sentimento.

Così ancora dentro di te,

gustando l'armonia,

il tuo sapore, che giunge fino al cuore,

senza alcun pudore, quello fin giù, 

nel nero tuo infinito, nel chiaro tuo profondo,

sfiorando le tue forme, sode e rotonde,

che profumano di pane, che sanno anche di mare,

di frutta già candita, e lì ci perderei la vita.

A te mi darei passione mia, senza esitazioni,

per viverti dentro avvolto dalle emozioni,

dalle sole sensazioni, e dirti finalmente

che d'ogni altra cosa

non m'importa proprio niente

(Alessio Patti)

Link Video Canzone "Passione mia" di Alessio Patti, 

cantata da Gino Anselmi

Quannu veni lu me turnu

Quannu veni lu me turnu 

Tutti l'avemu a lassari stu munnu, 

tinitimi nta li vostri vrazza 

quannu veni lu me turnu. 

E puru chi fussi comu carta strazza, 

pi l’eternitati, stringitimi a lu pettu 

vuautri chi m’amati, 

e ju moru e m’arrizzettu.

(Alessio Patti)

Quando verrà il mio turno 

Tutti dobbiamo abbandonare questo mondo, 

tenetemi nelle vostre braccia 

quando verrà il mio turno. 

E anche se fossi come carta straccia, 

per l'eternità, stringetemi al petto 

voialtri che m'amate, 

ed io morirò sereno.

(Alessio Patti)

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Sugnu d’’u sud, sicilianu!

Sugnu d’’u sud, sicilianu! 

Sugnu d’’u sud, sicilianu!

Pistiàtu di li spàsimi,
addumannu succursu. 

Ricìvu sdisarmanti rifiuti
di suicità frasca e putrafatta.

Sugnu d’’u sud, sicilianu!

Addumannu lu dirittu
a lu travagghiu,
a lu pani, a la saluti, a l'amuri. 

Non ammuttu, non scavaccu
lu duluri di l’àutri 

e l'àngia di li taliati chini
di lacrimi e di scantu.

Aspettu lu me turnu, senza fini. 

Non haiu soldi, non chiù!
Riccu di chiai e di duluri,
addumannu cunsulazioni pi la me vita.

Trovu prufissionisti di latruciniu,
non pii, non dutturi, non cunortu:
sulu scippaturi e cacasìmula di l’arma.

Sugnu d’’u sud, sicilianu!

E aspettu senza fini lu dirittu a lu travagghiu, 

a lu pani, a la saluti, a l'amuri. 

(Alessio Patti)

Sono del sud, siciliano! 

Sono del sud, siciliano!

Torchiato dagli spasimi
chiedo soccorso. 

Ottengo disarmanti dinieghi
da società inferma e corrotta.

Sono del sud, siciliano!

Imploro il diritto al lavoro,
al pane, alla salute, all'amore.

Non spingo, non oltrepasso
il dolore degli altri 

e l’angoscia degli sguardi colmi di lacrime e paura. 

Attendo il mio turno, senza fine. 

Non ho denaro, non più! Ricco di piaghe e di dolori,
chiedo conforto e speranza per la mia vita.

Trovo professionisti del furto,
non pii, non medici, non conforto:
solo ladri e impotenti dell’anima.

Sono del sud, siciliano!

E aspetto senza fine il diritto al lavoro, 

al pane, alla salute, all'amore.

(Alessio Patti)

Link Video "Sugnu d' 'u sud, sicilianu!" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Immigrati

Immigrati 

Umanità, 

d’àutru mantu vesti 

cu sfumaturi scuri 

peddi d'omu, 

vita senza carizzi. 

Emigranti jùnciunu 

di l’unica citati d’omu, 

terra-casa, cinta 

di nsuperàbili sticcati. 

Frati sozzi, èrrami e mìsiri, 

lu sistema nvadunu. 

E nuautri? 

Damu tinirizza 

sulu a figghi lìmpi 

di l’occhi cilesti, 

senza musca ‘n vucca 

o ni l'occhiu, senza 

tagghi ni la facci 

e firiti nta lu cori. 

O urvagna ca disipàri 

l’omu di lu so Misteriu 

rinnennilu sarvaggiu.

(Alessio Patti)

Immigrati 

Umanità, 

d'altra coltre vesti 

con nuance scure 

pelle d’uomo, 

vita senza carezze. 

Emigranti approdano 

dall'unica città d'uomo, 

terra-casa, cinta 

da inaccessibili steccati. 

Fratelli sozzi, poveri e fragili, 

il sistema invadono. 

E noi? 

Offriamo tenerezza 

solo a figli smunti 

dall'azzurro piglio, 

senza mosca in bocca 

o nell'occhio, 

senza tagli in volto 

e ferite nel cuore. 

O cecità, che separi 

l'uomo dallo spirito del Sé 

rendendolo fiera.

(Alessio Patti)

Link Video "Immigrati" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Barbàrii

Barbàrii 

Omini-bestia, 

comu animi cunsunti; 

carnefici, boia e crudili assassini 

ca nùtricanu la taliata di sangu nnucenti 

e c’ammazzanu lu Paradisu. 

Omini-Bestia, 

ca massacranu nichi armuzzi di l’occhi attirruti 

avanti la canitùdini di li malvagi 

pi strazzarici lu mantu. 

Omini-Bestia, 

surdi a lu richiamu di li criaturi di Diu, 

orvi e disfiziati, ca d'assagghiu l'ammanta lu bisognu. 

Bestii, ca non apparteninu a la natura!

(Alessio Patti)

Barbarie 

Uomini-bestie, 

come anime consunte; 

carnefici, boia e efferati assassini 

che nutrono il piglio di sangue innocente 

e che opprimono l'Eden. 

Uomini-bestie, 

che trucidano cuccioli dagli occhi terrorizzati 

innanzi alla crudeltà dei malvagi 

per strappargli il vello. 

Uomini-bestie, 

sordi al gemito delle creature di Dio, 

ciechi e frustrati, che di orrore l'avvolge il bisogno. 

Bestie, che non appartengono alla natura!

(Alessio Patti)

Link Video "Barbarii" di Alessio Patti

Travasamentu

Travasamentu 

Chiovi! 

Senza traviari, ncannaruzzannu jemiti, 

la ciumana va di li so’ vittimi. 

Comu na vestia affamata 

grapri li fàuci p’allìnchiri 

di màuta ogni storia, 

allammicannu la vita di li nnuccenti, 

di cu’ sta di casa, di li stranèri, 

di cu’, mmigratu, 

sugnava lu ritornu a la so terra. 

O morti stravaganti, ca ngaggi la natura 

pi strafutturi la nica genti, 

lassannu a lu so postu chidda granni.

(Alessio Patti)

Esondazione 

Piove! 

Senza fuorviare , ingoiando gemiti, 

il fiume d'acqua va dalle sue vittime. 

Come una bestia affamata 

apre le fauci per coprir 

di fango ogni storia, 

affliggendo la vita degli innocenti, 

di chi è di casa, degli stranieri, 

di chi, immigrato, 

sognava il ritorno alla sua terra. 

O balzana morte, che arruoli la natura 

per tramortire la piccola gente, 

lasciando al loro posto quella grande.

(Alessio Patti)

Link Video "Travasamentu" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Sta sucità

Sta sucità 

Sta sucità è fàusa! 

Cavalca lu putiri pi nutririsi 

e pi abbivirarisi di lu sangu di li giusti, 

di li so’ sintimenti c'hannu accanzatu 

e d’ogni scarsizza d'iddi. 

Sta sucità è angariusa! 

Avvilisci cu’ è senza ammaestramentu 

cu puru ch'è mmassaru nnustriusu; 

duna muccuni amari a cu’ è scìcatu 

nta lu còriu e supra a ogni cosa 

lu priva d’amuri. 

Eccu la vriogna: la lagna cajorda di li granni, 

ca spogghiunu e assassininu la miseria umana, 

non avrà mai fini.

(Alessio Patti)

Questa società 

Questa società è ipocrita! 

Cavalca il potere cibandosi 

e abbeverandosi del sangue dei giusti, 

del raccolto dei loro sentimenti 

e d’ogni loro miseria. 

Questa società è ingiusta! 

Mortifica chi, pur’essendo laborioso, 

è senza istruzione; 

dà sofferenza a chi è lacerato 

nella carne e anzitutto lo affama d’amore. 

Ecco la vergogna: il lurido brontolare dei grandi, 

che ignuda ed uccide il bisogno umano, 

non avrà mai fine.

(Alessio Patti)

Link Video "Sta sucità" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Nfoca

Nfoca 

Nfoca lu disìu di Justizia, mentri 

schigghi d’ogni parti di lu munnu 

s’avàmpanu di duluri circannu rifrigeriu 

ni la misericordia umana. 

Lu ligislaturi medita, senza appantaciarisi, 

non rivugghi e resta ni la so lissìa. 

Povira umanità non cascari ni la nnifirenza! 

Lu to tempu è curtu e l’acqua sta agghiuttennu 

tutti li fochi di pagghia. 

Non aspittari lu diluviu, l’unni giganti ch’astutunu 

lu micciu nciammatu di lu to egoismu, 

ma duna na pàmpina di rosa a cu’ batti a la to porta, 

pirchì tu pozza essiri comu a ddu jurici giustu ca, 

pi non sèntiri ddu tuppulìu continuu, fici justizia 

a l’omu trèmulu e appilatu e a ogni fratuzzu alluntanatu.

(Alessio Patti)

Arde 

Arde il desiderio di Giustizia, mentre 

urla da ogni parte del mondo 

s’infiammano di dolore cercando refrigerio 

nella misericordia umana. 

Il legislatore medita, senza affanno, 

non si agita restando distaccato. 

Povera umanità non cadere nell’indifferenza! 

Il tuo tempo è breve e l’acqua sta ingurgitando 

tutti i fuochi di paglia. 

Non aspettare il diluvio, le onde giganti che 

spengono la stoppa infiammata del tuo egoismo, 

ma dona un petalo di rosa a chi batte alla tua porta, 

affinché tu possa essere come quel giudice giusto che, 

per non sentire l’insistente bussare, fece giustizia 

a l’uomo fremente e assetato e a ogni fratello emarginato.

(Alessio Patti)

Link Video "Nfoca" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Fammi vinciri

Fammi vinciri 

Patri, ascuta lu silenziu 

di cu’ non sapi prijari, 

di cu’ è umili e non jisa 

la testa versu di tia. 

Vivi cu mia, joca, lotta e 

fammi vinciri, comu fazzu ju 

chi me’ figghi. 

Parrimi la notti cu paroli 

ca si diciunu a un prufeta 

e sii misiricurdiusu 

di lu prùvulazzu chi sugnu.

(Alessio Patti)

Fammi vincere 

Padre, odi il silenzio 

di chi non sa invocare, 

di chi è umile e non alza 

la testa verso di te. 

Vivi con me, gioca, lotta e 

fammi vincere, come faccio io 

con i miei figli. 

Parlami la notte con parole 

che si dicono a un profeta 

e sii benevolo 

della polvere che sono.

(Alessio Patti)

Link Video "Fammi vinciri" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Bar Nash (figghiu d'omu)

Bar Nash (figghiu d'omu) 

Facci d’omu, di la vardata marchiata 

di dura passioni, mai nfuscata di l’odiu, 

riposi nta ‘n cannavazzu eternu. 

Facci to e mia, di cu' vinni prima, di cu' veni; 

figghiu di figghia d'omu. 

Bar Nash, t’arritrovu nta cu' non è cunsidiratu 

facci, storia, carizza, amuri, figghiu di Diu. 

Facci d’omu, di la frunti ca scula sangu naturali, 

ca li spini di lu disprezzu hannu signatu 

lu tatuaggiu eternu di lu suppliziu. 

Facci d’omu, Bar Nash me frati, ju stissu, tu, iddu, 

nuàtri, vuàtri, iddi. Omu-umanità, Diu-Diu, silenziu 

di na facci ca parra a ogni Diu e a ogni omu 

d’ogni tempu dicennu: - Tuttu è cumpiutu!

(Alessio Patti)

Bar Nash (figlio dell'uomo) 

Volto d’uomo, dal piglio marchiato 

di dura passione, mai offuscato dall’odio, 

riposi in tela eterna. 

Volto tuo e mio, di chi ci ha preceduto, di chi verrà; 

figlio di figlia d’uomo. 

Bar Nash, ti ritrovo in chi non è considerato 

volto, storia, carezza, amore, figlio di Dio. 

Volto d’uomo, dalla fronte gocciolante sangue naturale, 

le cui spine del dispregio hanno segnato 

il tatuaggio eterno del supplizio. 

Volto d’uomo, Bar Nash mio fratello, io stesso, tu, egli, 

noi, voi, essi. Uomo-umanità, Dio-Dio, silenzio 

di un volto che parlerà ad ogni Dio e ad ogni uomo 

d'ogni tempo dicendo: - Tutto è compiuto!

(Alessio Patti)

Link Video "Bar Nash (figghiu d'omu)" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Jerusalem!

Jerusalem! 

- Santu, Santu! 

Chi è stu sacru senza sacramentu? 

O Jerusalem, cità di Diu, casa mia, 

di cu' non d’àlica si nutri ma d'amuri; 

non di rituali, ma di tinirizzi e ammizzigghi. 

Jerusalem, ritorna a esseri jarzunedda! 

Ti desi lu mari pirchì ti vagnassi 

nta l'acqua salina; la luna, pirchì taliassi 

lu celu mentru ju talìu a tia. Ti desi li stiddi 

e la so’ luci, pirchì non ti scurdassi di ristari 

picciridda e jucari allegramenti, 

e pirchì lu celu avi bisognu di tia. 

Shalom Jerusalem, cità di Diu e di li jarzuneddi.

(Alessio Patti)

Gerusalemme! 

- Santo, Santo! 

Cos’è questo sacro senza sacramento? 

O Gerusalemme, città di Dio, casa mia, 

di chi non si nutre di vigore, ma d’amore; 

non di rituali, ma di carezze e premure. 

Gerusalemme, ritorna ad esser bambina! 

Ti ho dato il mare perché ti bagnassi 

nell'acqua salina; la luna, perché fissassi 

il cielo mentre io fisso te. Ti ho dato le stelle 

e la loro luce, perché non scordassi di restare 

fanciulla e giocare in letizia, e perché́ il cielo 

ha bisogno di te. 

Shalom Gerusalemme, città di Dio e dei bambini.

(Alessio Patti)

Link Video "Jerusalemm!" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Lu Diu c’ammizzigghia

Lu Diu c’ammizzigghia 

Puru essennu sapituri di la me càgghia, 

sugnu cu firmizza attiratu di lu to richiamu, 

di ddu cibu chi sazia l’arma; di Tia, ca si' lu Diu 

c’ammizzigghia e ca varda chiù a lu sforzu umanu 

ca a li tanti mali ca nàsciunu dintra a la menti. 

Tu non si' ‘n diu viulentu, vinnicativu, putenti, 

tirannu e mancu ‘n diu riligiusu. 

Si' sulu lu Diu di l’amuri, ca sta nta lu silenziu e cria. 

Disìasti pèrdiri suttamittennuti a nuàtri c’amuri 

umilianti, facennuti schiavu di la nostra dibulizza, 

comu fa ‘n patri cu li so’ figghi. 

Cu mia non ti facisti aspittari. M’arricordu tutti 

li carizzi d’ajeri, e sentu ora lu to abbrazzu 

e la to vuci zurriari paroli di spiranza.

(Alessio Patti)

Il Dio che vezzeggia 

Pur essendo conscio della mia indegnità, 

sedotto dal tuo richiamo, con forza, 

desio il cibo che sazia l’anima, Tu, il Dio 

che vezzeggia e che guarda più allo sforzo umano 

che ai tanti mali che sorgono nella mente. 

Tu non sei un dio dispotico, implacabile, potente, 

tiranno e neanche un dio ecclesiale. 

Dell’Amore, sei solo il Dio. Stai nel silenzio e crei. 

Hai voluto perdere assoggettandoti a noi con amore 

umiliante, facendoti schiavo della nostra debolezza, 

come fa un padre con i suoi figli. 

Con me non ti sei fatto attendere. Ricordo tutte 

le carezze di ieri e sento ora il tuo abbraccio 

e la tua voce sussurrare parole di speranza.

(Alessio Patti)

Link Video "Lu Diu c'ammizzigghia" di Alessio Patti
Link Audio "Lu Diu c'ammizzigghia" di Alessio Patti - recita Giovanni Anzalone

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Maieutiké

Maieutiké 

Lu primu oceanu figghiu d'arma mi fici, 

ciatu ed essenzia; lu sicunnu, di jancu culuri 

nutricò di nèttari la me vucca; lu terzu, 

di carizzi la me facci. 

Maieutiké, vecchiu e fraccu oceanu di tinirizza, 

funnamentu, ancora, e spiritu di vita, 

supra a ddu jazzu a pàsciri l'uri e di biddizza 

a trattèniri ricordi. 

Travalicu cu ducizza lu to sonnu mentri m'allatu... 

e tu non sai ca t'ammiru comu t'ammirai 

lu primu jornu di la vita. O mà, t'amu! 

Lassa c'attruzzu li to' capiddi janchi, ca t'accarizzu 

la facci, ntomentri lu to sonnu accarizza chidda me. 

‘N vasu a tia paradisu senza fini, rosa senza spini.

(Alessio Patti)

Maieutiké 

Il primo oceano mi fece figlio d’anima, 

fiato ed essenza; il secondo, color bianco, 

nutrì di nettare le mie labbra; il terzo, 

di carezze il mio volto. 

Maieutiké, vecchio e svigorito oceano di tenerezza, 

fondamento, ancor, e spirito di vita, 

su quel lettuccio a pascolar le ore e di bellezza 

a trattener ricordi. 

Varco dolcemente il tuo sonno mentre m’avvicino... 

e tu non sai che t’ammiro come t’ammirai 

il primo giorno della vita. Madre, ti amo! 

Lascia che sfiori la tua canizie, che ti accarezzi 

il volto, mentre il tuo sonno accarezza il mio. 

Un bacio a te paradiso senza fine, rosa senza spine.

(Alessio Patti)

Link Video "Maieutiké" di Alessio Patti

Link Video "Maieutiké" Live - di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Tu esisti parola mia

Tu esisti parola mia 

Ancora chiù di celu, acqua e terra 

tu esisti parola mia. 

Di luttaturi vagghiardu t’addibbatti 

pi vinciri lu silenziu minazzusu e

li spinusi sintenzi umani c’affamanu l'arma. 

Ancora chiù di focu, aria e ventu, 

tu esisti parola mia. 

Di prosodìa non teni cuntu, né t'allati 

‘n facci a lu piriculu, pirchi firnicii di spiritu. 

Vidi agghiurnari suli e calari notti e comu 

‘n scarpidduzzu ntagghi fogghi janchi 

di prijiera e puisia. E non sì sulu ‘n alliffiaturi 

ma lu chiù fasesu pircantu e la chiù sibillina magarìa.

(Alessio Patti)

Tu esisti parola mia 

Ancor più di cielo, acqua e terra 

tu esisti parola mia. 

Da impavido lottatore combatti

per vincere il silenzio ostile e 

gli spinosi verdetti umani che miserano l'anima. 

Ancor più di fuoco, aria e vento 

tu esisti parola mia. 

Di metrica non tieni conto, né ti scansi 

di fronte al pericolo, perché scalpiti di spirito. 

Vedi albeggiare sole e tramontare notti e come 

uno scalpellino incidi fogli bianchi 

di preghiera e poesia. E non sei soltanto adulatrice 

ma il più bell'incanto e la più imperscrutabile malia.

(Alessio Patti)

Link Video "Tu esisti parola mia" di Alessio Patti

Link Video "Tu esisti parola mia" di Alessio Patti (video breve)

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Conti Ugolinu (di la Gherardesca)

Conti Ugolinu (di la Gherardesca) 

Fusti Conti Ugolinu 

e di lu pueta granni 

esiliatu ntra la Turri di li Gualandi,

locu sinistru di fracchizza e morti, 

sarcòfagu pi tia e li to’ figghi. 

Privu d’ogni dignità, allaccaratu,

comu nfuriata vestia di la vucca vavùsa, 

jivi jennu pi li mura finu a lu sdilassu. 

Di li to’ figghi sintisti lu lamentu,

lu turcìrisi di li vuredda, li so’ supplichi: 

- Patri, non vegna a tia la morti

si di lu nutricariti di nuautri è la to sorti. 

Spavintusu fistinu ni Divin Cummedia 

e ni lu nfirnali cantu: 

- Chiu’ di lu duluri potti lu dijunu. 

Sdirrubbata fu la casa 

e supra a lu fatali ricordu 

sparsu fu lu sali di la vriogna, 

e di lu passìu luntanu sta ognunu.

(Alessio Patti)

Conte Ugolino (della Gherardesca) 

Fosti Conte Ugolino 

e dal poeta grande 

segregato in Torre dei Gualandi, 

luogo sinistro di inedia e morte, 

sarcofago per te e i tuoi figli. 

Privo d'ogni dignità, emaciato, 

come furente bestia dalla bocca bavosa, 

vagavi per le mura fino allo stremo. 

Dei tuoi figli udisti il lamento, 

il contorcersi delle budella, 

le loro implorazioni: 

- Padre, non colga te la morte 

se di nutrir di noi è la tua sorte. 

Macabro banchetto in Divin Commedia 

e nell'infernale canto: - 

Più che il dolor poté il digiuno. 

Demolita fu la casa 

e sul mortal ricordo 

sparso fu il sale della vergogna 

dal cui passo lontan sta ognuno.

(Alessio Patti)

Link Video "Conti Ugolinu" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Mario Monicelli

Mario Monicelli 

Fusti anacureta sunnaturi

omu lìmpiu, cirvillòticu,

di lu risu smaccusu e accusaturi. 

Nu citatinu nòbili

ravagghiusu, nclini a l’omu,

e ligittimamenti senza Diu.

Fusti rumitu currituri, 

assuttigghiatu e semplici,

fusu cu dda terra

unni facisti ritornu

pirchì lu pruvulazzu è ‘n virsèriu 

ca va conquistatu.

Non fusti lu geniu

ca si fici sacru,

ma l’omu ca si fici nudu,

ca n’arrinfacciò l’errori

cu la pungenti nsullènza

di lu veru amuri.

E l’amuri astruppìa assai!

Ti vidu ancora

cu la facci ntrusciata

nta ‘n cappucciu russu

e lu cuntegnu di lu foddi,

e mi rennu cuntu ca t’avvilemmu 

pirchì non ti seppimu capiri.

(Alessio Patti)

Mario Monicelli 

Fosti ascetico sognatore 

uomo nitido, cerebrale, 

dal sorriso pungente e accusatore. 

Un cittadino elitario, 

indocile, proteso all'uomo, 

e legittimamente senza Dio. 

Fosti marciatore isolato, 

scarno e semplice, 

coeso con quella terra 

alla quale facesti ritorno 

perché la polvere è una sorte 

che va conquistata. 

Non fosti il genio 

che si fece sacro, 

ma l'uomo semplice desnudo, 

che ci rinfacciò l'errore 

con la pungente insolenza 

dell'amore autentico. 

E l'amore fa molto male! 

Ti rivedo ancora 

col volto avviluppato 

in un cappuccio rosso 

e il contegno del folle, 

e mi rendo conto che ti sfiancammo 

perché non ti abbiamo saputo comprendere.

(Alessio Patti)

Link Video "Mario Monicelli" di Alessio Patti

Link Audio "Mario Monicelli" di Alessio Patti - canta Alberto Marchetti
Link Audio "Mario Monicelli" di Alessio Patti - canta Gino Anselmi 

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

Eri omu

Eri omu 

Eri omu ni lu ventri di me figghia, 

appena grapùtu di luci gnota.

Non manu, non pedi, spuntuni d'ali, 

grapìrisi a lu bisognu d'amuri; 

amuri truncatu, primu e ultimu volu 

di ‘n figghiu, di na figghia.

Curuzzu battenti, ca s'astuta

nta ‘n culuri rubinu, di morti 

si nutri lu chiantu disiatu. 

O amuri di figghiu ca mai ti visti,

ca mai ti sintii, ora chi vai

ni mia ti sentu comu pinna di ddi to' ali. 

Senza chiù locu pircantatu 

(e nuddu paradisu ni ventri maternu) 

tu resti ntagghiatu

ni lu me paternu 

d'amuri pi tia, ch'eri omu

ni lu ventri di me figghia.

(Alessio Patti)

Eri uomo 

Eri uomo nel grembo di mia figlia, 

appena sbocciato da luce ignota. 

Non mani, non piedi, spuntoni d’ali, 

aprirsi in bisogno d'amore; 

amore reciso, primo e ultimo volo 

di un figlio, di una figlia. 

Cuoricino battente, che si spegne 

in color rubino, di morte 

si nutre il vagito sperato. 

O amor di figlio, che mai ti vidi 

che mai ti sentii, adesso che vai 

in me ti sento come piuma di quelle tue ali. 

Senza più luogo fatato 

(e nessun paradiso in grembo materno) 

tu resti inciso nel mio paterno d'amore per te, 

ch’eri uomo nel grembo di mia figlia.

(Alessio Patti)

Link Video "Eri omu" di Alessio Patti

Link Video Promo "Eri uomo" di Alessio Patti - Canta Carmen Scaringi

Link Video "Eri uomo" di Alessio Patti - Canta Gino Anselmi 

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.

L’assùmmuru

L’assùmmuru

Di lu primu jemitu l’àncilu niru 

s’abbattìu nta lu me sonnu 

ammuttannumi ni lu misteriu di la vita e, 

tra ùmmiri minazzusi e ntricati, 

tràntulu e schigghi, assagghiu e angia, 

principiò ni la me menti l’assùmmuru. 

A lu passari di li jorna, nta lu stravacanti cursu

di l’accùrriri, nta ogni tènibra e nta ogni notti, 

ddu niru bàttiri di pinni pirpètua nti mia l’assùmmuru. 

Mentri mi ntacca lu spagnu 

e l’animi assagghiati trànsitanu senza paci, 

sugnu ‘n bìlicu nta lu me sonnu. 

Eccu ddà, ancora na vota, l’assùmmuru!

(Alessio Patti)

La paura

Sin dal primo gemito l’angelo nero 

s’abbatté nel mio sonno 

spingendomi nel mistero della vita e, 

tra ombre minacciose e fosche, 

incubo e grida, panico e affanno, 

instillò nella mia mente la paura. 

Al passar dei giorni, nell'imponderabile corso 

degli accadimenti, in ogni tenebra e in ogni notte, 

quel nero battere di ali perpetua in me la paura. 

Laddove m’erode lo spavento 

e le anime sgomente varcano senza pace, 

sono in bilico nel mio sonno. 

Eccola lì, ancora una volta, la paura!

(Alessio Patti)

Link Video "L'assùmmuru" di Alessio Patti

Per la parte testuale: 

Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza il consenso dell'Autore.