Tuccio
(versi didicati a l’amicu atturi sicilianu Tuccio Musumeci)
Tuccio, màscara tristi,
fijura assuttigghiata
chi porta a tutti
lu risu e lu sbriu
nta lu cori.
Di lu bisognu e di lu vàculu
accuminciasti la to strata,
accittannu ’n misuratu cumpanaggiu
mentri ni facevi ridiri nta la spirali
di la vita.
L’ironia pi tia ha statu sempri
lu sistema immunitariu di la menti.
Pi chistu prifiristi farini addivertiri,
tinirini luntanu di li miserii
e di la munzignarìa di li putenti,
di l’assagghiusu sistema chi accidi
li spiranzi di l’omu.
E cu li to milli màscari d’artista,
di sula virità facisti parrari l’arma.
Ancora arditu, e addubbatu d’anni,
non spàragni di currèggiri li spurcizii
di stu nostru sciliratu viviri,
di supra a la scena di ddu tiatru
ca ti numinò prìncipi e ca ti fici servu.
(Alessio Patti - Natale 2013)
“Scugnarisi di li versi non è facili, poliedricu artista, virtuusu galantomu, amicu caru. Avissi vulutu continuari a parrariti di la me ricanuscenza e di lu me affettu, ma non c’è chiù tempu a me disposizioni nta stu non riali trasparenti. Sacciu, però, di truvariti ancora nta lu cori di l’amicizia, nta chiddu to, unni speru di starici puru ju. ’N abbrazzu!”. Alessio
(Foto di Giuseppe Messina)
Tuccio
(versi dedicati all’amico attore siciliano Tuccio Musumeci)
Tuccio,
maschera triste,
figura esile,
portatrice di sorriso
e svagatezza.
Dal bisogno e dal precario
iniziasti a far strada,
accettando un misurato companatico,
mentre ci facevi ridere nel vortice
della vita.
L'ironia per te è stata sempre
il sistema immunitario della mente.
Per questo hai preferito farci divertire,
tenerci lontano dalle miserie
e dalla menzogna dei potenti,
dal trucido sistema che uccide
le speranze dell’uomo.
E con le tue mille maschere d’artista,
di sola verità hai fatto parlare l’anima.
Ancora fiero, e sazio d’anni, non lesini
d’emendare le brutture
di questo nostro scellerato vivere,
dalla scena di quel teatro
che ti ha eletto principe e che ti ha fatto servo.
(Alessio Patti - Natale 2013)
“Allontanarsi dai versi non è facile, eclettico artista, austero galantuomo, amico caro. Avrei voluto continuare a testimoniarti la mia riconoscenza ed il mio affetto, ma non c’è altro tempo a mia disposizione in questo etereo virtuale. So di trovarti ancora nel cuore dell’amicizia, nel tuo, dove spero di esserci anch’io. Un abbraccio!”. Alessio
(Foto di Giuseppe Messina)
(Foto di Giuseppe Messina)
Nessun commento:
Posta un commento