Alessio Patti : Lu "Ventu" è l’amuri!

Lu "Ventu" è l’amuri!

Un “Ventu” angariusu t’attravirsò

tuculiannu lu to corpu, stuccannulu;

e cu puru ca pi iddu eri ‘n panneddu

la so forza dintra a lu to cori si cunciliò.

Appujatu a na cerza,

a latu di ‘n duci vadduneddu,

estasiatu di li ciuri e li prufumi

chi lu pinseru produci,

cantò li so’ sirinati, paroli duci

di lu mistèriu d’amuri;

di li so’ figghi la vardata a lu futuru,

peni e scunfitti, lu latu scuru;

lu beni avutu e chiddu datu.

Ora ca lu “Ventu” si n’è jutu,

purtannusi detru prisenti e passatu,

resta la traccia unni iddu ha jaciutu!

(Alessio Patti - Catania, 11 gennaio 1977)

Il "Vento" è l’amore!

Un “Vento” impetuoso ti ha attraversata

scuotendo e piegando il tuo corpo;

sebbene per lui eri un coriandolo

nel tuo cuore la sua forza si è sedata.

Appoggiato ad una quercia,

a lato di un gioioso ruscello,

inebriato dai fiori e profumi

che il pensiero produce,

ha cantato le sue odi,

parole dolci del mistero d’amore;

dei figli suoi lo sguardo al futuro,

angosce e sconfitte, il lato oscuro;

il bene avuto e quello dato.

Adesso che il “Vento” se n'è andato,

portando con sé presente e passato,

rimane l’orma ove egli giacque.

(Alessio Patti - Catania, 11 gennaio 1977)

Alessio Patti