La carizza di l’acqua surrienti
Omu fermiti!
Di la to arma frena lu frastonu
e ascuta la granni Matri, ancora
pi pocu viva, ancora pi pocu lìmpia.
Pirchì non senti chiù lu mari, lu ventu,
lu sturnellu di l’aceddi, dda miludia
di la criazioni chi si ntunò doppu chi
’n raju di suli l’attruzzò
facennu battiri lu primu cori?
Pirchì ammucciasti lu celu cu turri
di cimentu e cu niru asfaltu la risacca
di lu mari a li pedi di li picciriddi?
Pirchì allinchisti di ùmmiri li culuri
di la vita e rinnisti surdi l’aricchi
a l’ecu di lu divinu?
Eppuru ’n jornu sintisti la carizza
di l’acqua surrienti, la musica chi
niscìu di lu strumentu di Diu; l’arma
di la petra, la linfa di vita di la radica
chi scurri ni li rami, e ti diliziasti
prumittennu d’amarili e di non nzunzarili
cu lu sgrusciu e lu niru.
(Alessio Patti - Catania, 26 marzo 2012)
La carezza dell’acqua sorgente
Uomo fermati!
Frena il frastuono della tua anima
e ascolta la grande Madre, ancora
viva per poco, pura ancora per poco.
Perché non senti più il mare, il vento,
lo stornello delle rondini, quella melodia
della creazione che s’intonò dopo che
un raggio di sole la sfiorò
facendo battere il primo cuore?
Perché hai nascosto il cielo con torri
di cemento e con nero asfalto la battigia
del mare ai piedi dei bambini?
Perché hai riempito d’ombre i colori
della vita e hai reso sorde le orecchie
all’eco del divino?
Eppure un dì sentisti la carezza
dell’acqua sorgente, la musica che
venne fuori dallo strumento di Dio; l’anima
di un sasso, il fluido di vita della radice
che fluisce nei rami, e ti deliziasti
promettendo d’amarli e di non ungerli
con il rumore e il nero.
(Alessio Patti - Catania, 26 marzo 2012)
Nessun commento:
Posta un commento